台中遊Day2 入住臺中逢甲智選假日酒店
係台中第2日早上我們先享用清新溫泉飯店既自助早餐，然後將到臺中逢甲智選假日酒店。因為未到入住時間，所以我地將行李寄存係酒店就出發去第2市場，我地去到第2市場去食山河魯肉飯當午餐。食完午餐就去梧棲漁港行街同埋食燒魷魚，之後就出發去高美濕地，可惜當日天陰陰睇唔到日落，但係個景都係好靚。
臺中逢甲智選假日酒店地址:407台灣台中市西屯區福星北三街33巷28號
台中遊Day3 日月潭
係台中第3日我地去日月潭，我地當日跟團，其實跟團都幾舒服，一來有車載你，所以唔洗擔心交通問題，另外有當地人幫你安排晒行程，所以幾舒服。我地第一站去日月潭文武廟拜下神，之後去搭纜車睇風景，係纜車可以睇到好遠，所以風景特別靚。之後就食午餐，醫飽個肚之後就去游船河同踩單車。
日月潭地址：414臺灣臺中市烏日區站區二路8號
我地晚餐去食屋馬燒肉，我地叫咗豪華牛小排套餐同埋幾個牛肉，屋馬燒肉既肉超高質同埋服務都好好，不斷幫你換燒炸網同收碟。
屋馬燒肉地址:408台灣台中市南屯區文心路一段436號
台中遊Day4 清境農場
係台中第4日我地去清境農場，當日同樣係跟團，個人認為去清境農場跟團係比較好，因為清境農場比較偏僻，所以好難搵到車去。去清境農場之前，我地首先去英格蘭莊園影下相，之後先出發去清境農場。因為當日係星期六，所以有綿羊秀，睇完綿羊秀就去睇馬術表演。
清境農場地址:546台灣南投縣仁愛鄉仁和路186-1號5號
我地晚餐去食輕井澤打邊爐，輕井澤CP值超高，我地叫左3個套餐都係1300台幣左右，不但夠飽而且好好食。
輕井澤地址: 403台灣台中市西區公益路276號
台中遊Day5 回港
我地最後一日因為要搭中午機，所以去一如邑堂買太陽餅同牛軋糖當手信就搭車去機場返香港，我地睇到一如邑堂蟬聯五屆全國太陽餅第一名，所以就去買d嚟試一試，買完之後試下果然沒有令我地失望。
一如邑堂地址:407台灣台中市西屯區漢翔路235號