今晚去了深水埗食劉森記，劉森記擁有超過60年歷史，劉森記已經攞過好多年既米芝蓮推介，一間好平民既餐廳可以拎到米芝蓮，所以次次去到都好爆場。劉森記到依加都堅持用人手製作竹昇麵，今次去到劉森記有幾個人排緊隊，但都唔洗5分鐘就有位。我地2人叫咗3樣野，分別係招牌淨水餃、蝦子牛腩牛筋撈麵同埋蝦子蠔油冬菇鵝腸撈麵。
蝦子牛腩牛筋撈麵
劉森記既蝦子撈麵勁多蝦子而且聞落都好香，我地將蝦子同麵撈埋一齊之後，每一啖麵都充滿蝦子，食落去超爽，同埋佢既冇乜鹼水味。牛腩同牛筋勁入味又淋，牛柏葉亦都好爽口，佢仲俾埋辣椒豉油，你覺得唔夠未嘅話就可以點落去。
招牌淨水餃
因為我地一人一個蝦子撈麵覺得唔夠喉，所以我地決定叫多個水餃。劉森記既水餃超大粒，水餃皮薄同埋餡好足料好大隻，入面有蝦、豬肉同埋好多木耳絲，食落去好彈牙。
總結
劉森記既環境雖然係一間平民化餐廳，但佢地既食物味道比起好多高級餐廳亦唔會輸蝕。出因為幾爆場同埋長期有人排緊隊，所以要同其他人搭台，而佢既食物質數夠出息，所以拎到米芝蓮推既餐廳，好少平民化餐廳會拎到呢個殊榮。